کراچیٹریفک حادثات میں ایک شخص ہلاک 9 زخمی

شہر کے مختلف علاقوں میں ٹریفک حادثات میں ایک شخص ہلاک اور میاں بیوی اور کمسن بچے سمیت9 زخمی ہو گئے، زخمیوں کو طبی امداد کیلیے اسپتال منتقل کردیا گیا،غریب آباد انڈر پاس میں مسافر کوچ تیز رفتاری کے باعث سوزوکی ہائی روف سے ٹکرا کر الٹ گئی،سرسید ٹاؤن کے علاقے آدم ٹاؤن میں ایف11منی بس کی ٹکر سے موٹر سائیکل پر سوار میاں بیوی اور ان کا کمسن بیٹا زخمی ہوگیا۔


تفصیلات کے مطابق شریف آباد تھانے کی حدود غریب آباد انڈر پاس میں تیز رفتار شمع کوچ نمبرPE-2185 تیز رفتاری کے باعث سوزوکی ہائی روف نمبرCK-7987 سے ٹکرا کر الٹ گئی جس کے نتیجے میں3 افراد علی نواز ، رمضان اور فرقان زخمی ہو گئے زخمیوں کو طبی امداد کے لیے عباسی شہید اسپتال پہنچایا گیا ، پولیس کے مطابق واقعے کا کوئی مقدمہ درج نہیں کرایا گیا جبکہ شرافی گوٹھ تھانے کی حدود لانڈھی فیوچر کالونی گجر موڑ پر شہزور ٹرک اور ہائی روف میں تصادم کے نتیجے میں40 سالہ اورنگ زیب ولد محمد خان ہلاک جبکہ25 سالہ سید شاہجہاں ، 40 سالہ نیاز محمد اور30 سالہ صلاح الدین زخمی ہو گئے ہلاک و زخمی ہونے والوں کو جناح اسپتال پہنچایا گیا ،

ہلاک و زخمی ہونے والے لانڈھی89 کے رہائشی ہیں جبکہ سرسید ٹاؤن کے علاقے آدم ٹاؤن میں ایف11منی بس کی ٹکر سے موٹر سائیکل پر سوار 30 سالہ ایاز اور اس کی اہلیہ22 سالہ سنیا اور ڈھائی سالہ بیٹا ایان زخمی ہو گئے ، زخمیوں کو طبی امداد کے لیے عباسی شہید اسپتال پہنچایا گیا۔