اے این ایف کی کارروائی ملزم گرفتارہیروئن برآمد

ترجمان اینٹی نارکوٹکس فورس سندھ کے مطابق گرفتار کیے جانے والا ملزم سوابی کا رہائشی ہے اور دبئی جا رہا تھا۔ فوٹو: فائل

---

اینٹی نارکوٹکس فورس سندھ نے ہیروئن کی اسمگلنگ کی کوشش ناکام بنادی، ملزم کوگرفتار کر کے پیٹ سے ہیروئن کے کیپسول برآمد کر لیے۔

تفصیلات کے مطابق اینٹی نارکوٹکس فورس سندھ نے جناح ایئرپورٹ پر خفیہ اطلاع پر کارروائی کرتے ہوئے سلیم اختر ولد سرور کو حراست میں لے کر ایکسر ے مشین سے چیک کیا جس کے پیٹ سے ہیروئن کے کیپسول برآمد کر لیے گئے، ملزم کو گرفتار کر لیا گیا ، ترجمان اینٹی نارکوٹکس فورس سندھ کے مطابق گرفتار کیے جانے والا ملزم سوابی کا رہائشی ہے اور دبئی جا رہا تھا ،ملزم کیخلاف مقدمہ درج کر کے تفتیش شروع کردی گئی ہے۔