وفاقی بجٹ فیڈریشن توڑنے کے لئے بنایا گیا ہے بلاول بھٹوزرداری

چیرمین پیپلزپارٹی بلاول بھٹو زرداری کا کہنا ہے کہ وفاقی بجٹ فیڈریشن توڑنے کے لئے بنایا گیا ہے۔

سماجی رابطے کی ویب سائٹ پر ٹوئٹ کرتے ہوئے پاکستان پیپلزپارٹی کے چیرمین بلاول بھٹو زرداری کا کہنا تھا کہ ہم پنجابستان کے ون یونٹ بجٹ کو مسترد کرتے ہیں جب کہ لگتا ایسا ہے کہ یہ بجٹ فیڈریشن کو توڑنے کے لیے بنایا گیا ہے۔

واضح رہے کہ 3 جون کو وفاقی وزیرخزانہ اسحاق ڈار نے قومی اسمبلی میں مالی سال 17-2016 کا 43 کھرب سے زائد کا بجٹ پیش کیا تھا جسے اپوزیشن اوردیگر تاجرتنظیموں کی جانب سے مسترد کردیا گیا تھا۔