شلپاکی41 ویں سالگرہ راج کندراکی بیوی کیلیے خفیہ تقریب
میں بھی اپنی فیملی سے بے حد پیار کرتی ہوں ، میری فیملی ہی میری اولین ترجیع ہے، اداکارہ
بالی وڈ اداکارہ شلپا شیٹھی جو گزشتہ روز 41 برس کی ہو گئی ہیں اوراداکارہ کے شوہر راج کندرا نے ان کی سالگرہ کے دن کو اور بھی خاص اور یادگار بنانے کے لیے خفیہ طور پر تیاریاں کی تھیں۔
راج کندرا اداکارہ کوان کے پسندیدہ ریسٹورینٹ لے کرگئے جہاں انھوں نے سب سے پہلے انھیں پھول کا گلدستہ اور کارڈ پیش کیا، پھر ان کے پسندیدہ پکوان کے لیے آرڈر دیے اور کیک بھی کاٹا، اداکارہ نے اپنی سالگرہ کے دن کی مناظر کی تصاویر بھی ٹوئٹر پر جاری کی ہیں۔
شلپا نے اپنے شوہر کا شکریہ ادا کرتے ہوئے کہا کہ وہ خوش قسمت ہیں کہ ان کے شوہر ان سے اتنا پیار کرتے ہیں، وہ بھی اپنی فیملی سے بے حد پیار کرتی ہیں،ان کی فیملی ہی ان کی اولین ترجیع ہے۔