پیپلزپارٹی پاناما لیکس کی شفاف تحقیقات کو نظر انداز نہ کرے آصف زرداری

پاناما لیکس کے معاملے پر تمام فیصلے اپوزیشن جماعتوں کی مشاوت سے کیے جائیں، سابق صدر کی اپوزیشن لیڈر کو ہدایت، فوٹو؛ فائل

---

پیپلزپارٹی كے صدر آصف علی زرداری نے كہا ہے كہ پیپلزپارٹی پانامالیكس كی شفاف تحقیقات كو نظر انداز نہ كرے۔

پیپلزپارٹی كے صدر آصف زرداری سے قومی اسمبلی میں قائد حزب اختلاف خورشید شاہ نے دبئی میں ملاقات كی جس میں پاناما لیكس، ٹی اوآرز اوربجٹ سمیت سیاسی صورتحال پر تبادلہ خیال كیا گیا۔ قائد حزب اختلاف سید خورشید شاہ نے ٹی او آرز اور پاناما لیكس كے معاملے پر آصف زرداری كو بریفنگ دی جس كے بعد آصف زرداری نے پاناما لیكس اورٹی اوآرزپر خورشید شاہ كو گائیڈلائن دی۔

آصف زرداری نے كہا كہ پیپلزپارٹی پانامالیكس كی شفاف تحقیقات كو نظر انداز نہ كرے اور اس معاملے پر تمام فیصلے اپوزیشن جماعتوں كی مشاورت سے کیے جائیں۔ بجٹ سے متعلق سابق صدر مملکت کا کہنا تھا کہ بجٹ میں عوام كو مناسب ریلیف نہیں دیا گیا۔