عمر بتانے میں کوئی شرم محسوس نہیں کرتی سونم کپور

اپنی سالگرہ کے دن بھی کام کرنے کو اپنے لیے خوش قسمتی تصور کرتی ہوں، بالی ووڈ اداکارہ، فوٹو؛ فائل

---

PESHAWAR: بالی ووڈ اداکارہ سونم کپور کا کہنا ہے کہ اپنی عمر سے متعلق بتانے میں کوئی شرم محسوس نہیں کرتی۔

بالی ووڈ اداکارہ سونم کپور اپنی اداکاری ہی نہیں بلکہ اپنے تندو تیزبیانات کے حوالے سے بھی شہرت رکھتی ہیں یہی وجہ ہے کہ کسی بھی بڑے مسئلے پر بیان دینے سے نہیں کتراتی ہیں جب کہ فلم نگری میں اداکارائیں اپنی عمر چھپانے میں پیش پیش رہتی ہیں لیکن فلم نگری کی موسٹ اسٹائلش اداکارہ نے اپنی عمر سے متعلق بیان دے کر سب کو حیران کردیا ہے۔

گزشتہ دنوں سونم کپور کی 31 ویں سالگرہ منائی گئی اوراداکارہ نے اپنی سالگرہ کے موقع پر ایک تقریب میں بھی شرکت کی جب کہ اس موقع پران کا کہنا تھا کہ میں 31 سال کی ہوں اور کسی کو بھی اپنی عمر سے متعلق بتانے میں کوئی شرم محسوس نہیں کرتی ہوں اور اپنی سالگرہ کے دن بھی کام کرنے کو اپنے لیے خوش قسمتی تصور کرتی ہوں کیوں کہ ہر گزرنے والا سال میرے لیے بہتر ہے۔