پہلی بار سات رویہ دو انڈر پاس بیک وقت تعمیر کئے جائیں گےشہباز شریف

وزیراعلیٰ پنجاب شہباز شریف نے کہا ہے کہ ملک کی تاریخ میں پہلی بار سات رویہ دو انڈر پاس بیک وقت تعمیر کئے جائیں گے۔


وزیراعلیٰ پنجاب شہبازشریف نے لاہورمیں کلمہ چوک انڈر پاس منصوبے پر فوری کام شروع کرنے کی منظوری دے دی ہے ، جس پر ایک ارب روپے سے زائد لاگت آئے گی جبکہ انڈر پاس مکمل ہونے سےشہریوں کوسگنل فری سہولت فراہم ہوگی۔

اجلاس کی صدارت کرتےہوئے شہبازشریف نے کہا کہ ملک کی تاریخ میں پہلی بار سات رویہ دو انڈر پاس بیک وقت تعمیر کئے جائیں گے ، انھوں نے متعلقہ حکام کو ہدایت کی کہ کلمہ چوک انڈر پاس کی تعمیر کے دوران ٹریفک رواں دواں رکھنے کے لئے بہترین انتظامات کئے جائیں۔