کراچی کے مختلف علاقوں میں پولیس کی کارروائیاں خاتون سمیت 22 ملزمان گرفتار

گرفتار ملزمان جرائم کی مختلف وارداتوں میں پولیس کو مطلوب تھے، پولیس فوٹو: فائل

---

پولیس نے شہر کے مختلف علاقوں میں کارروائیوں کے دوران مجرمانہ کارروائیوں میں ملوث ایک خاتون سمیت 22 ملزمان کو حراست میں لے لیا۔

ایکسپریس نیوز کے مطابق کراچی پولیس نے گلشن اقبال کے علاقے اعظم گوٹھ میں کارروائی کے دوران خاتون سمیت 4 ملزمان گرفتار کر لیے گئے۔ حراست میں لیے ملزمان جرائم کی کئی وارداتوں میں پولیس کو مطلوب تھے۔ بوٹ بیسن میں بھی پولیس نے کارروائی کرتے ہوئے اسٹریٹ کرائمز میں ملوث 3 ملزمان کو گرفتار کر لیا۔

دوسری جانب پولیس نے ڈالمیا میں دہشت گردی اور دیگر مجرمانہ کارروائیوں میں ملوث افراد کی موجودگی کی اطلاع پر گھر گھرتلاشی لی اور اس دوران 15 افراد کو حراست میں لے لیا۔