حافظ آباد میں حوالات سے اشتہاری ملزم فرار

فرار ہونے والا ملزم عرفان عرف دانی قتل کے پانچ مقدمات میں مطلوب تھا فوٹو: فائل

---

GARHI KHUDA BAKHSH: تھانا صدر کی حوالات میں قید قتل اور دیگر اورسنگین مقدمات میں ملوث اشتہاری ملزم فرار ہوگیا۔

ایکسپریس نیوز کے مطابق حافظ آباد پولیس نے کچھ دن قبل قتل، اقدام قتل اور دیگر سنگین وارداتوں میں مطلوب ملزم عرفان عرف دانی کو گرفتار کیا تھا۔ ملزم تفتیش کے لیے تھانہ صدر پولیس کی تحویل میں تھا تاہم اتوار اور پیر کی درمیانی رات ملزم حوالت سے فرار ہونے میں کامیاب ہوگیا۔

واقعے کی خبر نشر ہونے پر ڈی پی او حافظ آباد نے ایس ایچ او سمیت پانچ اہلکاروں کوغفلت برتنے پر معطل کر کے ان کے خلاف مقدمہ درج کرلیا جب کہ 2 اہلکاروں کو حراست میں لے کر تفتیش بھی شورع کردی گئی ہے۔