طالبان نے کراچی اور راولپنڈی بم دھماکوں کی ذمے داری قبول کرلی

کالعدم تنظیم بدھ کو ہونے والے بنوں اور شانگلہ کے واقعات کی ذمے داری بھی قبول کرچکی ہے. فوٹو: اے ایف پی/فائل

---

کالعدم تحریک طالبان پاکستان نے بدھ کو کراچی اور راولپنڈی میں امام بارگاہوں کے قریب بم دھماکوں کی ذمے داری قبول کرلی ۔

جمعرات کو ایک نجی ٹی وی کے مطابق طالبان ترجمان احسان اللہ احسان نے فون پر گفتگو کرتے ہوئے ان حملوں کی ذمے داری قبول کی اور بتایا کہ راولپنڈی میں دھماکا خود کش تھا جبکہ اورنگی ٹاؤن میں ایک گھنٹے کے وقفے سے ہونے والے دونوں دھماکے نصب بم سے کیے گئے۔ واضح رہے کہ طالبان اس سے قبل بدھ کو بنوں اور شانگلہ کے علاقوں میں حملوں کی ذمے داری بھی قبول کر چکے ہیں۔