ڈی ایٹ کانفرنس میں وزیراعظم کو کارنر کرکے واضح پیغام دیا گیا چوہدری نثار

چوہدری نثارعلی خان نے کہا کہ محرم الحرام کےحساس دنوں میں ڈی ایٹ کانفرنس بلانا ایوان میں بیٹھےحکمرانوں کی نااہلی کا منہ بولتا ثبوت ہے۔ فوٹو: فائل

---

قائدحزب اختلاف چوہدری نثارعلی خان نے کہا ہے کہ ڈی ایٹ کانفرنس میں وزیراعظم کو کارنر کرکے واضح پیغام دیا گیا کہ وہ کتنے بااختیار ہیں۔

پارلیمنٹ ہاؤس میں اپنے چیمبر میں میڈیا سے بات کرتے ہوئے چوہدری نثارعلی خان نے کہا کہ محرم الحرام کےحساس دنوں میں ڈی ایٹ کانفرنس بلانا ایوان میں بیٹھےحکمرانوں کی نااہلی کا منہ بولتا ثبوت ہے۔

۔چوہدری نثارعلی خان نے کہا کہ انڈرنائنٹین سیاستدان کو کس حیثیت میں ڈی ایٹ کانفرنس میں بٹھایا گیا، ان کا کہنا تھا کہ بلاول بھٹو زرداری کے پاس کوئی حکومتی عہدہ نہیں وہ آئین کے تحت پاکستان کی نمائندگی نہیں کر سکتے تھے۔

قائدحزب اختلاف نے کہا کہ ایوان صدر کا ساری کانفرنس میں چھائے رہنا نہ صرف قانون بلکہ آئین کی بھی خلاف ورزی ہے۔