پشاورمیں گاڑی پرفائرنگ سے 2 افراد جاں بحق 2 زخمی

جائے وقوعے سے کلاشنکوف کے درجنوں کارتوس برآمد کیے گئے، پولیس:فوٹو:فائل

---

KARACHI: جی ٹی روڈ پرمسلح افراد کی کار پرفائرنگ کے نتیجے میں 2 افراد جاں بحق جب کہ 2 افراد زخمی ہوگئے۔

ایکسپریس نیوزکے مطابق پشاورمیں جی ٹی روڈ پرحاجی کیمپ اڈہ کے قریب موٹرسائیکل پرسوارنامعلوم افراد ایک کار پرفائرنگ کرکے فرارہوگئے، فائرنگ کے نتیجے میں گاڑی میں سوار4 افراد شدید زخمی ہوگئے جنہیں فوری طورپر لیڈی ریڈنگ اسپتال منتقل کیا گیا تاہم 2 افراد راستے میں ہی زخموں کی تاب نہ لاتے ہوئے دم توڑگئے جب کہ دیگر 2 زخمی افراد کی حالت بھی تشویشناک بتائی جاتی ہے۔

پولیس کا کہنا ہے کہ فائرنگ کا نشانہ بننے والی کارراولپنڈی سے آرہی تھی، جائے وقوعہ سے کلاشنکوف کے درجنوں کارتوس برآمد ہوئے ہی، ابتدائی تفتیش کے مطابق فائرنگ سابقہ دشمنی کی بنیاد پرکی گئی تاہم ملزمان کی گرفتاری کے لیے کارروائی شروع کردی گئی ہے۔