لیاری گینگ وار کی کمان’’ لیڈی ڈان‘‘ نے سنبھال لی

سمیرا بھی اپنے بھائی کے نقش قدم پرچلتے ہوئےمنشیات فروشی، بھتہ خوری اورمخالفین کو اغوا کے بعد ان کا قتل کراتی تھی۔ فوٹو:فائل

---

PESHAWAR: پولیس مقابلے میں ہلاک ہونے والے لیاری سے تعلق رکھنے والے دہشت گرد قیوم چنگاری کی بہن سمیرا نے اپنے بھائی کی ہلاکت کے بعد منشیات فروشی اور بھتہ خوری کا دھندا سنبھال لیا۔

ایکسپریس نیوز کے مطابق گینگ وار کے گورکھ دھندے نے لیاری کی خواتین کو بھی گینگسٹر بنا دیا ہے اس بات کا انکشاف اس وقت ہوا کہ جب منگھو پیر سے گرفتار ٹارگٹ کلر نعیم عرف لمبو نے دوران تفتیش انکشاف کیا کہ گینگسٹر قیوم عرف چنگاری کے جیل جانے کے بعد گینگ کواس کی بہن سمیرا نے سنبھالا اور قیوم چنگاری کی طرح سمیرا بھی اسی کے نقش قدم پر چلتے ہوئے منشیات فروشی، بھتہ خوری اور مخالفین کو اغوا کے بعد ان کا قتل کراتی تھی۔ گرفتار ملزم نے بتایا کہ سمیرا نے رفیق نامی شخص کو اغوا کے بعد اذیتیں دے دے کر قتل کیا جب کہ سمیرا کے ٹارگٹ کلرز نے گینگ وار کے کئی مخالفین کو اسی کے کہنے پر قتل کیا۔

دوسری جانب پولیس کا کہنا ہے کہ کراچی آپریشن میں تیزی آنے کے بعد سمیرا روپوش ہے جب کہ گرفتار ٹارگٹ کلر نعیم عرف لمبو بھی سمیرا کے لئے ہی کام کرتا تھا۔