درخت کاٹنے پر فائرنگ ایک شخص جاں بحق ملزم گرفتار

آلہ قتل برآمد، واقعہ تعلقہ سندھڑی کے نواحی گائوں میران شر میں پیش آیا۔ فوٹو: فائل

---

KARACHI: سندھڑی میں درخت کاٹنے پر جھگڑے کے نتیجے میں ایک شخص جاں بحق ہوگیا، پولیس نے ملزم کو آلہ قتل سمیت گرفتار کرلیا۔

تفصیلات کے مطابق تعلقہ سندھڑی کے گائوں میران شر میں 45 سالہ غلام رسول شر درخت کاٹ رہا تھا کہ اسی گائوں کے رہائشی حاجی شر نے اسے منع کیا جس پر دونوں میں جھگڑا ہوگیا اور حاجی شر نے فائرنگ کرکے غلام رسول کو شدید زخمی کردیا جسے تشویشناک حالت میں سول اسپتال لایا جا رہا تھا تاہم وہ راستے میں ہی زخموں کی تاب نہ لاتے ہوئے جاں بحق ہوگیا۔

ڈی ایس پی سندھڑی سید تنویر حسین شاہ نے صحافیوں کو بتایا کہ ملزم کو گرفتار کرکے آلہ قتل برآمد کر لیا گیا ہے۔