بہاولپور میں سی ٹی ڈی کی کارروائی 3 دہشت گرد گرفتار

دہشت گردوں کو گاؤں مخدوم پور سے گرفتار کیا گیا جو مزار پر حملے کی منصوبہ بندی کررہے تھے، سی ٹی ڈی حکام، فوٹو؛ فائل

---

ISLAMABAD:

کاؤنٹرٹیررازم ڈیپارٹمنٹ نے کارروائی کرتے ہوئے 3 دہشت گردوں کو گرفتار کرلیا جن کے قبضے سے بھاری مقدار میں بارودی مواد بھی برآمد کیا گیا ہے۔

ایکسپریس نیوز کے مطابق کاؤنٹر ٹیررازم ڈیپارٹمنٹ (سی ٹی ڈی) نے بہاولپور کے گاؤں مخدوم پور میں کارروائی کرکے 3 دہشت گردوں کو گرفتار کرلیا۔ سی ٹی ڈی حکام کے مطابق دہشت گردوں میں جاوید، آصف اور طیب شامل ہیں اور ملزمان مزار پر حملے کی منصوبہ بندی کررہے تھے جب کہ ان کے قبضے سے بھاری مقدار میں بارودی مواد اور آئی ای ڈیز بھی برآمد کرلی گئی ہیں۔