آرمی چیف کی جرمنی میں اپنے ہم منصب سمیت وزیر دفاع سےملاقات آئی ایس پی آر

جرمن رہنماؤں نے دہشت گردی کے خلاف پاک فوج کی کامیابیوں کو سراہا، ترجمان پاک فوج۔ فوٹو : آئی ایس پی آر

---

آرمی چیف جنرل راحیل شریف نے جرمنی میں جرمن افواج کے سربراہ سمیت وزیردفاع سے ملاقات کی جس میں دونوں ملکوں کے درمیان دفاعی تعاون پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف جرمنی کے 2 روزہ دورے پر ہیں جہاں انہوں نے جرمن وزارت دفاع کا دورہ کیا اور اس دوران انہیں گارڈ آف آنر پیش کیا گیا جب کہ آرمی چیف نے جرمن ہم منصب سمیت جرمن وزیردفاع سے ملاقاتیں کی جس میں دونوں ملکوں کے درمیان دفاعی تعاون پر تبادلہ خیال کیا گیا۔ ترجمان پاک فوج کے مطابق جرمن وزیر دفاع نے دہشت گردی کے خلاف جنگ میں آرمی چیف جنرل راحیل شریف کی مستقل مزاجی اور عزم کو سراہا۔

In meeting with German Def Minister,she specially appreciated #COAS's consistency and will in fighting terrorism pic.twitter.com/ansbUTpoip

— Gen(R) Asim Saleem Bajwa (@AsimBajwaISPR) June 20, 2016

ڈی جی آئی ایس پی آر لیفٹیننٹ جنرل عاصم باجوہ کے مطابق دورہ جرمنی میں جرمن رہنماؤں نے دہشت گردی کے خلاف پاک فوج کی کامیابیوں کو سراہا اور پاک فوج کے تجربات سے فائدہ اٹھانے کی خواہش کا بھی اظہار کیا۔

Acknowledging Pak Army accomplishments in war on terror,German mil leaders showed interest in learning from Pak mil experience-2

— Gen(R) Asim Saleem Bajwa (@AsimBajwaISPR) June 20, 2016

ترجمان پاک فوج نے سماجی رابطے کی ویب سائٹ ٹویٹر پر بتایا کہ جنرل راحیل شریف جرمنی میں 2 روز قیام کریں گے جس کے بعد وہ ایک روزہ دورے پر جمہوریہ چیک بھی جائیں گے جہاں جمہوریہ چیک میں سیاسی و عسکری قیادت سے ملاقاتیں کریں گے۔

#COAS met German Army Chief&Def Minister.Bilateral mil to mil relations,enhanced def& security coop,trg exchanges,came under discussion-1

— Gen(R) Asim Saleem Bajwa (@AsimBajwaISPR) June 20, 2016