کورکمانڈر کراچی کی عبدالستار ایدھی کی عیادت خیریت دریافت کی

عبدالستار ایدھی نے ثابت كر دیا كہ نیک مقصد كی راہ میں حائل ہر دشواری كو عبور كیا جاسكتا ہے، كور كمانڈر کراچی۔ فوٹو : این این آئی

---

كور كمانڈر کراچی لیفٹیننٹ جنرل نوید مختار نے ملک کی معروف سماجی شخصیت عبدالستار ایدھی کی عیادت کی اور ان کی خیریت بھی دریافت کی۔

كور كمانڈر كراچی لیفٹیننٹ جنرل نوید مختار نے کراچی میں ایس آئی یو ٹی كا دورہ كیا جہاں انہوں نے ملک کی معروف سماجی شخصیت عبدالستار ایدھی کی عیادت کی اور ان کی خیریت دریافت کی جب کہ کورکمانڈر نے ڈاكٹرادیب رضوی سے بھی ملاقات كی۔

کور کمانڈر کا کہنا تھا کہ عبدالستار ایدھی نے ثابت كردیا كہ نیک مقصد كی راہ میں حائل ہر دشواری كو عبور كیا جاسكتا ہے، ایدھی انسانیت اور ہمدردی كا نام ہیں اور یہ ہماری قوم كا فخر ہیں۔