راولپنڈی سے داعش کمانڈر گرفتار نفرت انگیز مواد بھی برآمد

داعش کمانڈر کے خلاف مقدمہ درج کر کے تحقیقات کا آغاز کردیا ہے، سی ٹی ڈی لاہور. فوٹو: فائل

---

سی ٹی ڈی نے راولپنڈی میں کارروائی کرتے ہوئے کالعدم تنظیم داعش کے کمانڈر کو گرفتار کر کے اس کے قبضے سے بڑی تعداد میں ممنوعہ لٹریچر بھی برآمد کرلیا۔

ایکسپریس نیوز کے مطابق سی ٹی ڈی لاہور نے مصدقہ اطلاع پر راولپنڈی کے علاقے حکیم سعید آباد میں کارروائی کر کے داعش کے کمانڈر علی جہانگیر کو گرفتار کر لیا۔ سی ٹی ڈی حکام کا کہنا ہے کہ داعش کے کمانڈر کے قبضے سے درجنوں ممنوعہ سی ڈیز برآمد ہوئی ہیں جن کے ذریعے سے وہ اشتعال انگیز پیغامات پنجاب بھر میں پھیلاتا تھا۔

پولیس حکام کا کہنا ہے کہ علی جہانگیر عرف نفیس ایوب پارک کے قریب کرائے کے مکان میں رہ رہا تھا، دہشت گرد کے خلاف مقدمہ درج کر کے تحقیقات کا آغاز کر دیا گیا ہے۔