سلمان خان کے والد سلیم خان نے بیٹے کے بیان پر معافی مانگ لی

سلمان خان نے فلم کی شوٹنگ کے بعد اپنی تھکاوٹ سے متعلق بیان کو زیادتی سے متاثرہ خواتین کی مثال دیتے ہوئے دیا تھا۔ فوٹو؛ فائل

---

PESHAWAR: بالی ووڈ کے سپراسٹار سلمان خان کے والد سلیم خان نے ''زیادتی سے متاثرہ خواتین'' سے متعلق اپنے بیٹے کے بیان پر معافی مانگ لی ہے۔

بالی ووڈ اسٹار سلمان خان اہم معاملات پراپنے بیانات اور خیالات کے باعث تنازع میں پھنس جاتے ہیں یہی وجہ ہے کہ ایک بارپھر اپنے متنازع بیان کی وجہ سے نئی مصیبت میں پھنس چکے ہیں اور بھارت میں طوفان کھڑا ہوگیا ہے جس کے بعد اب ان کے والد اپنے بیٹے کے بیان پر صفائی دینے میدان میں آگئے ہیں۔

مشہور اسکرپٹ رائٹر سلیم خان نے اپنے بیٹے سلمان خان کے ''زیادتی سے متاثرہ خواتین'' سے متعلق بیان پر معافی مانگ لی ہے جب کہ سماجی رابطے کی ویب سائٹ ٹوئٹر پر ان کا کہنا تھا کہ سلمان خان کے بیان پر سب سے معافی مانگتا ہوں کیوں کہ انہوں نے جو بھی بولا وہ بلا شبہ غلط ہے لیکن اس کا مقصد غلط نہیں تھا جس کا خیال رکھنا چاہیے۔

Undoubtedly what Salman said is wrong, the simili, example and the context. The intention was not wrong.

— Salim Khan (@luvsalimkhan) June 21, 2016

واضح رہے کہ گزشتہ دنوں سلمان خان نے فلم کی شوٹنگ کے بعد اپنی تھکاوٹ سے متعلق بیان کو زیادتی سے متاثرہ خواتین کی مثال دیتے ہوئے دیا تھا جس پر بھارت میں اداکار کے خلاف شدید احتجاج کیا گیا اور خواتین کمیشن نے سلمان خان سے 7 روز میں معافی مانگنے کا مطالبہ کیا۔