ٹوئٹرکا آج کا مقبول ترین ہیش ٹیگ ’’امجد صابری‘‘ کے نام

#AmjadSabriRIP کے نام سے ٹاپ ٹرینڈ کر رہا ہے جس میں لوگ امجد صابری سے محبت کا اظہارکررہے ہیں۔

ویب ڈیسک June 23, 2016

#AmjadSabriRIP کے نام سے ٹاپ ٹرینڈ کر رہا ہے جس میں لوگ امجد صابری سے محبت کا اظہارکررہے ہیں۔ فوٹو:فائل

ISLAMABAD: سماجی رابطے کی ویب سائٹ ٹوئٹر پر دن بھر عالمی شہرت یافتہ قوال امجد صابری کا ہیش ٹیگ مقبول رہا جہاں لوگوں کی بڑی تعداد نے اپنے دکھ اور غم کا اظہار مختلف انداز میں کرتے ہوئے مقتول کی مغفرت کے لئے دعائیں کیں۔

امجد صابری کے اندوہناک قتل پر پوری قوم غم میں مبتلا ہے جس کا اظہار سماجی رابطے کی ویب سائٹ ٹوئٹر پر عوامی رد عمل سے دیکھا جاسکتا ہے۔ گزشتہ روز سے اب تک ٹوئٹر پر امجد صابری رپ ہیش ٹیگ (AmjadSabriRIP#) ٹاپ ٹرینڈ کررہا ہے جہاں لوگ ان کی مغفرت کے لئے دعاؤں کےعلاوہ ان کا قتل پاکستان کے لئے عظیم نقصان قراردے رہے ہیں۔ امجد صابری عالمی شہرت کے حامل قوال تھے جن کے قتل کے بعد دنیا بھرمیں 2 مرتبہ امجد صابری کے نام سے ہیش ٹیگ ٹاپ ٹرینڈ کرتا رہا۔

ولید علی آصف اپنی ٹوئٹ میں لکھتے ہیں کہ امجد صابری کا انتقال نہیں ہوا بلکہ پاکستان کی روح کا انتقال ہوا ہے، اور میں امجد صابری کا مداح ہوں، تھا اور رہوں گا۔

I was, Am ,And Will be The Biggest Fan Of #AmjadSabriRIP
Today You R not Dead Pakistan Soul Has been Dead. pic.twitter.com/T29HUE6W0h
— Waleed Ali Asif (@WaleedAliAsif) June 22, 2016

ایک ٹوئٹر صارف نے امجد صابری کی تصویر کے ساتھ مقبول زمانہ شعر لگایا جس میں دیکھا جاسکتا ہے کہ امجد صابری رو رہے ہیں اور صارف کا اپنے جذبات کا اظہار کرتے ہوئے کہنا ہے کہ امجد صابری کا قتل دل توڑ دینے والا ہے اور ان کا اچانک دنیا سے چلے جانا بہت تکلیف دہ ہے۔

https://twitter.com/khawaisnaeem/status/745932142996234240

نیوز اینکر ناجیہ اشعر اپنے دکھ کا اظہار شعر کی شکل میں کرتے ہوئے لکھتی ہیں کہ میں یہ کس کے نام لکھوں جو الم گزر رہے ہیں، مرے شہر جل رہے ہیں مرے لوگ مر رہے ہیں۔

میں یہ کس کے نام لکھوں جو الم گزر رہے ہیں
مرے شہر جل رہے ہیں، مرے لوگ مر رہے ہیں#AmjadSabri #AmjadSabriRIP
— Najia Ashar (@najiaashar) June 23, 2016

ماہ نور نے اپنے دکھ کا اظہار انتہائی خوب انداز میں کیا ہے اور انہوں نے امجد صابری کی ایک تصویر پوسٹ کی ہے جس میں یہ تاثر دینے کی کوشش کی گئی ہے کہ امجد صابری سفرآخرت پر روانہ ہورہے ہیں جب کہ ماہ نور لکھتی ہیں کہ امجد صابری اب اس دنیا میں نہیں رہے اس کا یقین اب تک نہیں ہوتا۔