سلمان خان نے اپنے بیان پر معافی کا سوال مسکرا کر ٹال دیا

صحافیوں نے اپنے بیان معافی مانگنے کا سوال کیا تو سلو میاں بغیر کچھ کہے مسکراتے ہوئے ایئر پورٹ لاؤنج چلے گئے:فوٹو:فائل

---

بالی ووڈ کے دبنگ سپر اسٹار سلمان خان نے ''زیادتی سے متاثرہ خواتین'' سے متعلق بیان پر معافی مانگنے کا سوال ٹال دیا جس پرایک بار پھر نئی بحث کاآغازہوگیا ہے۔

بالی ووڈ اسٹار سلمان خان اور تنازعات کا آپس میں گہرا تعلق ہے کیوں کہ سلو میاں اپنے خیالات کے باعث روز نت نئے تنازعات کا شکار ہوجاتے ہیں جب کہ انہوں نے فلم ''سلطان'' میں اپنے کردار کے حوالے سے متنازع بیان دیا تو بھارت میں ایک نئی بحث کا آغاز ہوگیا جس کے بعد کئی حلقوں کی جانب سے معافی مانگنے کا مطالبہ کیا گیا لیکن گزشتہ روز سلمان خان کے ردعمل نے ایک بار پھر تنازع کو ہوا دے دی ہے۔

میڈیا رپورٹس کے مطابق گزشتہ روز سلمان خان آئیفا ایوارڈز کی تقریب میں جانے کے لیے ممبئی ایئر پورٹ پہنچے جہاں ان سے صحافیوں نے اپنے بیان معافی مانگنے کا سوال کیا تو بغیر بغیر کچھ کہے مسکراتے ہوئے ایئر پورٹ لاؤنج چلے گئے جس کے بعد ان کے اس رویئے نے ایک نئی بحث چھیڑدی ہے اور مختلف حلقوں کی جانب سے سلمان خان کے رویئے کو اپنی غلطی پر سرد مہری قراردیا گیا ہے۔

واضح رہے کہ گزشتہ دنوں سلمان خان کے ''زیادتی سے متاثرہ خواتین'' سے متعلق بیان پر ان کے والد سلیم خان معافی مانگ چکے ہیں۔