وزیر برائے پارلیمانی امور شیخ آفتاب کا کہنا ہےکہ وزیراعظم عید سے قبل وطن واپس آجائیں گے اور ان کا پرتپاک استقبال کیا جائے گا۔

ٹیکسلا میں میڈیا سے بات کرتے ہوئے وزیر پارلیمانی امور شیخ آفتاب نے کہا کہ وزیراعظم نوازشریف عید سے پہلے وطن واپس آجائیں گے، وزیراعظم کی واپسی پر ان کا پرتپاک استقبال کیا جائے گا۔ انہوں نے کہا کہ پاناما لیکس میں وزیراعظم اور ان کے اہل خانہ ملوث نہیں ہیں، اس معاملے کی ہر فورم پر تحقیقات کرلی جائیں جب کہ اس حوالے سے اپوزیشن جماعتوں کی دھرنے کی کال بے وقت کی راگنی ہے۔