دریائے نیلم میں وین گرنے سے تبلیغی جماعت کے 7 افراد جاں بحق

پاک فوج جوانوں اور امدادی ٹیموں کے رضا کاروں نے 11 افراد کو بچا لیا۔ فوٹو: فائل

---

دریائے نیلم میں وین گرنے سے تبلیغی جماعت سے تعلق رکھنے والے 18 افراد پانی میں بہہ گئے جن میں سے 7 افراد کی لاشیں نکال لی گئیں۔

ایکسپریس نیوز کے مطابق ہائی ایس وین تبلیغی جماعت کے افراد کو لے کر اٹھمقام سے مظفر آباد جا رہی تھی کہ شاہراہ نیلم پر دیولیاں کے قریب حادثے کا شکار ہو گئی جس کے نتیجے میں گاڑی میں موجود 18 افراد دریا میں بہہ گئے۔ پاک فوج کے جوانوں اور امدادی ٹیموں کے رضا کاروں نے 7 افراد کی لاشیں نکال لی گئیں جب کہ 11 افراد کو زندہ بچا لیا گیا، شدید زخمیوں کو طبی امداد کے لئے ڈسٹرکٹ ہیڈ کوارٹر اسپتال منتقل کر دیا گیا ہے۔