مشکل وقت میں آصف زرداری سے وفا کی حسین حقانی

پیپلزپارٹی کی پالیسیوں سے بے فکر ہوکر ساری توجہ لکھنے پڑھنے اور تحقیق و تحریر پر دوں گا، سابق سفیر کا رد عمل، فوٹو؛ فائل

---

پیپلزپارٹی کی جانب سے اظہار لاتعلقی کے اعلان پر امریکا میں سابق پاکستانی سفیر حسین حقانی نے رد عمل دیتے ہوئے کہا کہ میں نے 1993 سے شہید محترمہ بے نظیر بھٹو کا ساتھ اختیار کیا اور مشکل وقت میں آصف زرداری سے وفا کی۔

پیپلزپارٹی کی جانب سے اظہار لاتعلقی کے اعلان پر امریکا میں سابق پاکستانی سفیر حسین حقانی نے سماجی رابطے کی ویب سائٹ ٹوئٹر پر رد عمل دیتے ہوئے کہا کہ سیاسی جماعتوں کی پالیسی اور علمی تحقیق و تجزیہ میں فرق ہوتا ہی ہے جب کہ فکری طور پر مجھے بھی بعض پالیسیوں سے لاتعلقی محسوس ہوتی ہے۔

Political parties cannot be expected to own scholarly research or analysis just as scholarly work cannot be constrained by party policies.

— Husain Haqqani (@husainhaqqani) June 24, 2016

حسین حقانی کا کہنا تھا کہ میں نے 1993 سے شہید محترمہ بے نظیر بھٹو کا ساتھ اختیار کیا اور مشکل وقت میں آصف زرداری سے وفا کی، سیاست میں یہ یادیں اثاثہ رہیں گی۔

Joined SMBB in 1993, stood by her and AAZ in tough times. That political contribution to #Pakistan politics is sufficient. #PPP

— Husain Haqqani (@husainhaqqani) June 24, 2016

سابق سفیر نے کہا کہ عملی سیاست میں دور بیٹھ کر کوئی کردار ادا نہیں کرنا چاہتا جب کہ اب ساری توجہ لکھنے پڑھنے اور تحقیق و تحریر پر ہے۔

Glad that I can now focus on research & writing without having to worry about ties to #PPP or its policies.

— Husain Haqqani (@husainhaqqani) June 24, 2016