مقبوضہ کشمیر میں بھارتی پولیس سیکیورٹی فورسز کی بس پر حملے کے نتیجے میں 8 اہلکار ہلاک اور 24 زخمی ہوگئے۔

بھارتی میڈیا کے مطابق سینٹرل ریزرو پولیس فورس کے قافلے پر مسلح افراد کی فائرنگ کے نتیجے میں 8 اہلکار ہلاک اور 24 زخمی ہوگئے۔ بھارتی حکام کے مطابق اہلکار ٹریننگ کے بعد واپس آرہے تھے کہ سرینگر کے قریب ان کی بس کو فائرنگ کا نشانہ بنایا گیا تاہم جوابی کارروائی میں 2 حملہ آور بھی مارے گئے جب کہ فائرنگ کے تبادلے میں زخمی ہونے والے اہلکاروں میں سے 5 کی حالت انتہائی تشویش ناک ہے۔