وفاقی وزیر داخلہ رحمان ملک کی ہدایت کے بعد ملک کے مختلف شہروں میں موبائل فون سروس بحال ہوگئی۔
دہشتگردی کے خدشے کے پیش نظر ملک کے 49 شہروں میں صبح 6 بجے سے موبائل فون سروس جب کہ کراچی اور لاہور میں پی ٹی سی ایل وی وائرلیس سروس بھی بند کردی گئی تھی۔
وزیر داخلہ رحمان ملک نے ہفتے کی رات 9 بجے چاروں صوبوں میں موبائل فون سروس کی بحالی کی ہدایت کی تھی تاہم اسے 3 گھنٹوں کی تاخیر کے بعد بحال کیا گیا۔
واضح رہے کہ صبح 6 بجے سے ایک بار پھر ملک بھر میں موبائل سروس معطل کردی جائے گی جسے رات گئے بحال کیا جائے گا۔