ایان علی نے ای سی ایل سے نام نکلوانے کے لیے نفلی اعتکاف کی منت مان لی

حکومت کی جانب سے بیرون ملک جانے کی ہر کوشش ناکام بنائے جانے کے بعد ایان علی شدید ذہنی کوفت کا شکار ہو گئی ہیں فوٹو: فائل

---

MULTAN: ماڈل ایان علی نے ای سی ایل سے نام کے اخراج کے لیے نفلی اعتکاف پر بیٹھنے کی منت مان لی۔

ذرائع نے بتایا کہ حکومت کی جانب سے بیرون ملک جانے کی ہر کوشش ناکام بنائے جانے کے بعد ایان علی شدید ذہنی کوفت کا شکار ہو گئی ہیں، جس کے بعد انہوں نے فیصلہ کیا کہ وہ آخری عشرے میں تین دن نفلی اعتکاف پر بیٹھیں گی جبکہ نادار افراد کے لیے سحری اور افطاری کا بھی اہتمام کریں گی۔

واضح رہے کہ وزارت داخلہ نے 3 مرتبہ ان کے بیرون ملک جانے پر پابندی عائد کی ہے جن میں میں دو مرتبہ تو عدالتی فیصلے ایان علی کے حق میں آچکے ہیں تاہم تیسری دفعہ ای سی ایل سے نام خارج کرانے کے لیے ان کی درخواست عدالت میں زیر سماعت ہے۔