ISLAMABAD: پاکستانی طالبان نے ڈیرہ اسماعیل خان میں اہل تشیع کے جلوس کے نزدیک بم دھماکے کی ذمے داری قبول کرلی ہے۔

غیر ملکی خبررساں ادارے کے مطابق طالبان کے ترجمان احسان اللہ احسان نے بتایا کہ شیعہ برادری کے خلاف حملہ ہم نے کیا ہے۔ خیبر پختونخوا میں ڈیرہ اسماعیل خان کے مضافاتی علاقے میں دھماکےکے بعد نامعلوم مقام سے گفتگو کرتے ہوئے انہوں نے کہا کہ طالبان نے مزید حملوں کے لئے ملک بھر میں 20 سے 25خود کش حملہ آور روانہ کردیئے ہیں حکومت جتنے چاہے سیکیورٹی انتظامات کرلے ہمارے حملے نہیں روک سکتی۔