ساحلی علاقوں پر امریکی پروازیں اشتعال انگیزی ہیںایرانی سفیر

اقوام متحدہ کو خط میں غیر قانونی سرگرمیوں کے تدارک کیلیے اقدامات کرنے کا مطالبہ. فوٹو: فائل

---

ایران نے امریکی بحریہ پر خلیج فارس میں غیر قانونی اور اشتعال انگیز سرگرمیوں کا الزام عائد کر دیا۔

اقوام متحدہ کی سیکیورٹی کونسل اور سیکیرٹری جنرل بان کی مون کو بھیجے گئے خط میں اقوام متحدہ میں ایرانی نمائندے محمد خانرائی نے کہا ہے کہ امریکی بحریہ نے متعدد بار ایرانی حدود کی خلاف ورزی کی ہے، اکتوبر میں ایران کے ساحلی علاقے بوشہر میں امریکی ہیلی کاپٹروں نے پرواز کی اور یکم نومبر کو ریڈیو پر جاری انتباہ کے باوجود امریکی ڈرون نے ایران کی فضائی حدود میں پروازکی،خط میں کہاگیا ہے کہ اقوام متحدہ ایسی غیر قانونی سرگرمیوں کے تدارک کیلیے اقدامات کرے جن کے نتائج خوشگوار نہیں ہوں گے۔