کراچی آپریشن کا اہم ترین مرحلہ شروع دائرہ کارمزید بڑھا دیا گیا

پاک فوج سیکیورٹی اداروں کوہرممکن لاجسٹک،انٹیلی جنس اورسہولتیںفراہم کریگی،ذرائع وفاق

عامر خان June 28, 2016

پاک فوج سیکیورٹی اداروں کوہرممکن لاجسٹک،انٹیلی جنس اورسہولتیںفراہم کریگی،ذرائع وفاق :فوٹو:فائل

KARACHI: وفاقی حکومت کی ہدایت پر سیکیورٹی اداروں کوکراچی آپریشن کے اہم ترین مرحلے کاآغازکردیا ہے ۔اس مرحلے میں کراچی آپریشن کا دائرہ کار مزید بڑھادیاگیا ہے۔

آپریشن کے اس اہم مرحلے کیلیے نئی حکمت عملی مرتب کر لی گئی ہے۔ا س حکمت عملی کے تحت سیکیورٹی ادارے آپریشن کو 3 حصوں میں تقسیم کرکے فاسٹ ٹریک بنیاد پرکارروائیاں کریں گے۔ کراچی آپریشن سے متعلق اہم فیصلے وفاقی حکومت اور سیکورٹی اداروں میں مشاورت کے بعد کیے گئے ہیں۔آپریشن کے اس اہم ترین مرحلے میں پاک فوج سیکیورٹی اداروں کوہرممکن لاجسٹک ،انٹیلی جنس اورتمامسہولتیںفراہم کرے گی ۔

وفاقی حکومت کے ذرائع کے مطابق اس نئی حکمت عملی کے پہلے حصہ میں کراچی میں را اورغیرملکی ایجنڈے کے تحت کام کرنے والے گروہوں کی نشاندہی اورکارروائی کی جائے گی ۔آپریشن کے دوسرے حصہ میں کالعدم تنظیموں اور سیاسی جماعتوں کے عسکری ونگز کے سرپرستوں کے ساتھ ساتھ دہشت گردوں کے ہمدردوں اور مالی معاونت کرنے والوں کے خلاف بھی کارروائی کی جائے گی ۔تیسرے حصہ میں اغوا برائے تاوان اسٹریٹ کرائم ، قبضہ اور دیگر مافیا کے خلاف کریک ڈاؤن ہو گا ۔آپریشن کے اس اہم مرحلے میں علاقائی سطح پر جرائم پیشہ عناصر کے گروہوں کے گٹھ جوڑ کا خاتمہ کیا جائے گا۔