جھوٹوں کو رمضان میں جھوٹ بولتے ہوئے کم از کم شرم آنی چاہیئے مریم نواز

عمران خان کی ہمشیرہ کے ساتھ جب واقعہ پیش آنے کی خبرسنی تو اس وقت اسلام آباد میں تھی، مریم نواز. فوٹو:فائل

---

وزیراعظم نواز شریف کی صاحبزادی مریم نواز نے عمران خان کی ہمشیرہ ڈاکٹرعظمیٰ کی جانب سے الزامات کا جواب دیتے ہوئے کہا کہ جھوٹوں کو کم از کم رمضان میں شرم آنی چاہیئے۔

سماجی رابطے کی ویب سائٹ ٹوئٹر پر اپنی ٹویٹ میں مریم نواز کا کہنا تھا کہ چیئرمین تحریک انصاف عمران خان کی ہمشیرہ کے ساتھ جو واقعہ پیش آیا اس پر افسوس ہے لیکن اس وقت میں اسلام آباد میں تھی اور وہیں یہ خبر سنی جب کہ میں اسلام آباد سے شام ساڑھے 4 بجے لاہور پہنچیں۔ انہوں نے ساتھ یہ بھی لکھا کہ جھوٹوں کو رمضان میں تو کم از کم جھوٹ بولتے ہوئے شرم آنی چاہیئے۔

Feel sorry for Mr. Khan's sister. Was in Isb when I got the news. Arrived in Lhr at 4:30. Liars should have some shame at least in Ramadan.

— Maryam Nawaz Sharif (@MaryamNSharif) July 1, 2016

واضح رہے کہ چیئرمین تحریک انصاف عمران خان کی ہمشیرہ ڈاکٹر عظمیٰ نے دعویٰ کیا تھا کہ لاہور میں مریم نواز کے سیکیورٹی اسکواڈ نے ان کی گاڑی کو ٹکر ماری اور اہلکاروں نے ان پر بندوقیں تانتے ہوئے ہراساں کیا۔