جمہوریت کے خلاف سازشوں میں کوئی اورنہیں حکومت کے دوست ملوث ہیں مولابخش چانڈیو

نوازشریف کی آستینوں میں سانپ چھپے ہیں، مولا بخش چانڈیو فوٹو : آئی این پی

---

وزیراطلاعات سندھ مولابخش چانڈیو کا کہنا ہے کہ نوازشریف کی آستینوں میں سانپ چھپے ہیں جب کہ جمہوریت کے خلاف سازشوں میں کوئی اورنہیں حکومت کے دوست ملوث ہیں۔

حیدرآباد میں میڈیا کے نمائندوں سے بات کرتے ہوئے مشیر اطلاعت سندھ مولابخش چانڈیو کا کہنا تھا کہ پیپلزپارٹی کااحتساب کرنے والے ختم ہوگئے مگر پیپلزپارٹی اب بھی قائم ہے جب کہ سندھ حکومت پر لاکھ تنقید کی جائے لیکن حکومت کے پاس عوام کا مینڈیٹ ہے اور ہم نے پاکستان سے گند نکالنے کا ذمہ اٹھایا ہے۔ ان کا کہنا تھا کہ نوازشریف کی آستینوں میں سانپ چھپے ہیں، ان کے ساتھ صرف تین چارآدمی ہی ہیں جب کہ جمہوریت کے خلاف سازشوں میں کوئی اورنہیں حکومت کے دوست ملوث ہیں۔