نائیجیریا میں شورکم کرنے کیلیے 70 گرجا گھراور 20مساجد بند کرنے کا حکم

ریاستی احکام پر لاگوس شہر کی انتظامیہ شور کم کرنے کے لیے متحرک، 10 ہوٹلوں، شراب خانوں اور کلبوں کو بھی بند کردیا گیا

Net News July 02, 2016

ایجنسی اب لوگوں کوٹینٹس اورعمارتوں میں نمازاداکرنے کی اجازت نہیں دیگی،جنرل منیجربولا شہابی کاکریک ڈائون کے بعد عزم فوٹو؛فائل

KARACHI: نائجیریا کے شہر لاگوس میں شور کم کرنے کیلئے 70 گرجا گھر اور 20 مساجد بند کرنے کا حکم دیدیا گیا ہے۔

نائجیریا کے شہر لاگوس میں شور کم کرنے کیلئے 70 گرجا گھر اور 20 مساجد بند کرنے کا حکم دیدیا گیا ہے، اس کے علاوہ حکام نے 10 ہوٹلوں، شراب خانوں اور کلبوں کو بھی بند کر دیاہے۔ مساجدکی انتظامیہ نے چرچ انتظامیہ کی نسبت ہدایات پرجلد عمل کیاکیونکہ جب مساجد اور چرچوں کو بند کرنے کا حکم دیا گیا تو مساجد نے فوری طور پر اسپیکرزکی آوازکم کی تاکہ شورکم ہوسکے۔لاگوس کی آبادی 2کروڑ کے قریب ہے۔

حکام کے مطابق شہرگاڑیوں کے ہارن کے شور، اذان کی آواز اور چرچ میں اونچی آوازمیں گانے سے شور میں مسلسل اضافہ ہو رہا ہے۔ ریاست کے حکام نے افریقا کے سب سے بڑے شہر کو سال 2020 تک شور سے پاک کرنے کا عزم کر رکھا ہے۔ حالیہ کریک ڈاؤن کے بعد ادارے کے جنرل منیجر بولا شہابی نے کہا کہ ایجنسی اب لوگوں کوٹینٹس اوران عمارتوں میں نماز ادا کرنے کی اجازت نہیں دے گی۔