لیاری گینگ وارملزمان کا کراچی میں دبئی سے بھتے کا نیٹ ورک چلانے کا انکشاف
قانون نافذ کرنے والے اداروں نے زاہد لاڈلہ کی گرفتاری کے لئے انٹرپول سے رابطے شروع کردیئے
زاہد لاڈلہ پر کئی افراد کے قتل، اقدام قتل، بھتہ خوری اور دیگر جرائم کے مقدمات درج ہیں۔ فوٹو: فائل
لیاری گینگ وارکے ملزمان کا شہر میں دبئی سے بھتے کا نیٹ ورک چلانے کا انکشاف ہوا ہے۔
ایکسپریس نیوزکے مطابق کراچی میں لیاری گینگ وارکے اہم کردارنورمحمد عرف بابا لاڈالہ کے بھائی زاہد لاڈلہ کی ایک وڈیو منظرعام پرآئی ہے جس سے پتہ چلا ہے کہ لیاری گینگ وارکے اہم کردار دبئی میں موجود ہیں جو اسمارٹ فون کے ذریعے کم عمر لڑکوں سے بھتے کی وصولی کا کام لے رہا ہے۔
زاہد لاڈلہ 2013 میں کراچی میں آپریشن شروع ہونے کے بعد دبئی فرارہوگیا تھا جہاں اس نے پاکستانی سفارت خانے سے دوسرے نام سے پاسپورٹ اوردیگر شناختی دستاویزات بنوائے ہیں، زاہد لاڈلہ پرلیاری کے مختلف تھانوں میں کئی افراد کے قتل، اقدام قتل، بھتہ خوری اور دیگر جرائم کے مقدمات درج ہیں۔
دوسری جانب زاہد لاڈلہ کی وڈیو منظرعام پرآنے کے بعد قانون نافذ کرنے والے اداروں نے ملزم کی گرفتاری کے لئے انٹرپول سے رابطے شروع کردیئے ہیں۔
واضح رہے کہ قانون نافذ کرنے والے ادارے اس سے قبل عزیر بلوچ اور سعید بھرم کو بھی انٹرپول کے ذریعے گرفتار کرکے وطن واپس لا چکے ہیں۔
ایکسپریس نیوزکے مطابق کراچی میں لیاری گینگ وارکے اہم کردارنورمحمد عرف بابا لاڈالہ کے بھائی زاہد لاڈلہ کی ایک وڈیو منظرعام پرآئی ہے جس سے پتہ چلا ہے کہ لیاری گینگ وارکے اہم کردار دبئی میں موجود ہیں جو اسمارٹ فون کے ذریعے کم عمر لڑکوں سے بھتے کی وصولی کا کام لے رہا ہے۔
زاہد لاڈلہ 2013 میں کراچی میں آپریشن شروع ہونے کے بعد دبئی فرارہوگیا تھا جہاں اس نے پاکستانی سفارت خانے سے دوسرے نام سے پاسپورٹ اوردیگر شناختی دستاویزات بنوائے ہیں، زاہد لاڈلہ پرلیاری کے مختلف تھانوں میں کئی افراد کے قتل، اقدام قتل، بھتہ خوری اور دیگر جرائم کے مقدمات درج ہیں۔
دوسری جانب زاہد لاڈلہ کی وڈیو منظرعام پرآنے کے بعد قانون نافذ کرنے والے اداروں نے ملزم کی گرفتاری کے لئے انٹرپول سے رابطے شروع کردیئے ہیں۔
واضح رہے کہ قانون نافذ کرنے والے ادارے اس سے قبل عزیر بلوچ اور سعید بھرم کو بھی انٹرپول کے ذریعے گرفتار کرکے وطن واپس لا چکے ہیں۔