کراچی میں فائرنگ سے 2افرادہلاک 11ملزمان گرفتار اسلحہ برآمد

شہر کے مختلف علاقوں میں فائرنگ کے واقعات میں 2 افراد ہلاک جب کہ 2 افراد زخمی ہوگئے۔ فوٹو : فائل

---

لاہور: شہر کے مختلف علاقوں میں فائرنگ کے واقعات میں 2 افراد ہلاک جب کہ 2 افراد زخمی ہوگئے ۔

رضویہ سوسائٹی تھانے کے علاقے گلبہار پیتل والی گلی میں نامعلوم ملزمان کی فائرنگ سے 29 سالہ حیدر عباس ہلاک ہوگیا مقتول نارتھ کراچی کے علاقے سیکٹر 5-B/3 کا رہائشی تھا۔ اسٹیل ٹاؤن کے علاقے گلشن حدید فیز ٹو میں موٹر سائیکل سوار ملزمان کی فائرنگ سے 22 سالہ منصور احمد ہلاک ہوگیا۔

مقتول علی محمد جوکھیو گوٹھ کا رہائشی تھا ۔ کلفٹن بلاک 5 میں پیپلز پارٹی کے رہنما قادر پٹیل کا محافظ رحمت اﷲ اتفاقیہ گولی چلنے اور جمشید کوارٹرز میں نامعلوم سمت سے آنے والی گولی لگنے سے 23سالہ زوہیب زخمی ہوگیا ۔دریں اثنا پولیس نے ملیر اور سعودآباد میں کیے جانے والے دو بم دھماکوں کے مقدمات دہشت گردی ایکٹ کے تحت درج کرلیے۔دوسری جانب پولیس نے مختلف علاقوں سے 4 ٹارگٹ کلرز سمیت 11 ملزمان کو گرفتار کر کے اسلحہ ، چرس اور چھینی ہوئی موٹر سائیکل برآمد کرلی ۔