شعیب اختر بھارتی کامیڈی شو میں جج کے فرائض سرانجام دیں گے

اب مجھے مذاق کرنے کے پیسے ملیں گے اس سے بڑھ کر اچھی نوکری کوئی نہیں ہے، شعیب اختر، فوٹو:فائل

---

پاکستان کے سابق اسٹار فاسٹ بولر شعیب اختر بھارتی ٹی وی کے کامیڈی شو ''انڈین مذاق لیگ''میں جج کے فرائض سرانجام دیں گے۔

پاکستان کے سابق فاسٹ بولر شعیب اختر میدان میں اپنے غصے اور تیز رفتار باؤلنگ کے باعث شہرت رکھتے ہیں لیکن کرکٹ کو خیرباد کہنے کے بعد بھی میچز کے دوران کمنٹری کرتے نظر آتے ہیں اس کے علاوہ ان کی نامور بھارتی فلمی شخصیات سے دوستی بھی خوب ہے تاہم اب وہ چھوٹی پردہ اسکرین پر نظر آئیں گے۔



میڈیا رپورٹس کے مطابق شعیب اختراور بھارتی کرکٹر ہر بھجن سنگھ بھارتی ٹی وی کے شو''انڈین مذاق لیگ'' کامیڈی شو میں جج کے فرائض سرانجام دیں گے۔ شعیب اختر کامیڈی شو کا حصہ بننے پر خوشی کا اظہار کرتے ہوئے کہنا تھا کہ اب مجھے مذاق کرنے کے پیسے ملیں گے جس سے بڑھ کر اچھی نوکری کوئی نہیں ہے۔