کرینہ کپور نئی فلم میں ’’حاملہ‘‘ خاتون  کا کردار ادا کریں گی

فلم شوٹنگ ستمبر میں کی جائے گی جس دوران وہ 7 ماہ کی حاملہ ہوں گی۔ فوٹو؛ فائل

---

ISLAMABAD: بالی ووڈ کی موسٹ اسٹائلش اداکارہ کرینہ کپور خان اپنی نئی آنے والی فلم ''ویرے دی ویڈنگ'' میں حاملہ خاتون کا کردار نبھائیں گی۔

بالی ووڈ کی بیبو کا شمارفلم نگری کی صف اول کی اداکاراؤں میں ہوتا ہے جنہوں نے متعدد فلموں میں اداکاری کے جوہر دکھائے ہیں جب کہ اپنی فلموں میں انہوں نے مختلف کردار نبھا کر خوب داد سمیٹی ہے لیکن اب انہوں نے حاملہ خاتون کا منفرد کردار نبھانے کی ٹھان لی ہے۔



اس خبر کو بھی پڑھیں:کرینہ کپور کے ہاں ننھے مہمان کی آمد متوقع

بھارتی میڈیا رپورٹس کے مطابق کرینہ کپوراپنی نئی آنے والی فلم ''ویرے دی ویڈنگ''میں حاملہ خاتون کا کردار ادا کریں گی جس کے لیے اداکارہ کو نیا روپ نہیں دھارنا پڑے گا کیونکہ کرینہ پہلے ہی امید سے ہیں اور رواں سال دسمبر میں ان کے ہاں پہلے بچے کی ولادت کا امکان ہے۔ فلم کی شوٹنگ ستمبر میں کی جائے گی جس دوران اداکارہ 7 ماہ کی حاملہ ہوں گی۔

اس خبر کو بھی پڑھیں:سیف علی خان نے کرینہ کپور کے حاملہ ہونے کی تصدیق کردی