وزیر اعظم کی منظوری کے باوجود پاکستان ٹی آئی آر کنونشن کے تجارتی فوائد اٹھانے میں ناکام

عملدرآمد کیلیے ایک الگ ادارہ بنایاجاناتھا جوتاحال بن نہیں سکا،ہمارے ٹرک بھی عالمی معیار کے نہیں،خرم دستگیر

اظہر جتوئی July 06, 2016

کنونشن میں شمولیت سے برآمدی ٹرکوں کوڈیوٹی وچیکنگ سے استثنیٰ،تجارت میں آسانی ہوجاتی ہے،ذرائع فوٹو: فائل

پاکستان میں انفرااسٹرکچر کی عدم دستیابی، ٹرکنگ پالیسی اور عالمی معیار کے ٹرکوں کی عدم دستیابی کے باعث پاکستان ٹی آئی آر کنونشن پر عملدرآمد نہ کرکے تجارتی فوائد حاصل کرنے میں ناکام ہوگیا ہے۔

وزارت تجارت کے مطابق پاکستان کیلیے ٹی آئی آرکنونشن کی سہولتوں کا اطلاق 21جنوری 2016سے ہو گیا ہے۔ گزشتہ تیرہ سال سے زیر التوا معاملے کو حل کرتے ہوئے وزیر اعظم پاکستان نے بین الاقوامی ٹی آئی آر کنونشن میں شمولیت کی منظوری دی تھی لیکن اب 6ماہ گزر گئے لیکن اس پر عملدرآمد نہیں ہو پا رہا ہے۔ ٹی آئی آر پر عملدرآمد سے پاکستان کو اپنے مغربی ہمسائیہ ممالک کے ساتھ تجارت میں فائدہ ہوگا اور تجارتی ٹرکوں کو ہمسائیہ اور دوردراز کے ممالک میں جانے کے لیے ڈیوٹی اور چیکنگ کے مراحل سے نہیں گزرنا پڑے گا۔

ٹی آئی آر کنونشن کے تحت فراہم کردہ مراعات کے ذریعے پاکستانی ٹرک افغانستان، وسطی ایشیا، ای سی او ممالک حتیٰ کہ یورپی ممالک کا سفر بلا روک ٹوک کر سکتے ہیں۔ اس حوالے سے ایکسپریس کے رابطہ کرنے پر وفاقی وزیر تجارت انجینئر خرم دستگیر خان نے اس بات کی تصدیق کی کہ ابھی تک ٹی آئی آر کنونشن پر عملدرآمد نہیں ہو سکا ہے، اس پر عملدرآمد کے لیے ایک الگ ادارہ بننا تھا جوکہ ابھی تک نہیں بن سکا ہے، ہمارے ٹرک بھی عالمی معیار کے نہیں ہیں، اگر ٹی آئی آر میں بھارت شامل ہوگا تو پاکستان ٹی آئی آر کنونشن کی بعض شقوں کے تحت اس کے ٹرک روک بھی سکتا ہے، اس میں شمولیت پاکستان کی تجارتی سہولتوں میں ایک بنیادی قدم ہے۔

جس کے ذریعے پاکستان کی مغربی ممالک کے ساتھ تجارت میں نمایاں اضافہ ہو گا۔ ٹی آئی آر میں شمولیت کے بعد ہر تجارتی گاڑی کے ساتھ ممبر ممالک میں مستند تصور کیا جانے والا ایک ڈاکیومنٹ ہو تا ہے جسے 'ٹی آئی آر کارنے' کہا جاتا ہے جو برآمد کنندہ کے ملک، ٹرانزٹ ملک ؍ممالک اور درآمد کنندہ کے ملک میں قابل قبول اور مستند تصور کیا جاتا ہے۔

مزید برآں کنٹینر کی روانگی کے ملک میں کسٹمز کنٹرول کیلیے کیے گئے اقدامات کو ٹرانزٹ اور حتمی منزل کے ملک میں مستند تصور کیا جاتا ہے۔ ٹی آئی آر کنونشن ایک قانونی فریم ورک ہے جو ممبر ممالک کی ٹرانزٹ ٹریڈ کے لیے جانے والے ٹرکوں کو بغیر کسٹمز ڈیوٹی اور ٹیکس کے آمدورفت میں سہولت فراہم کرتا ہے۔ دنیا کے 68ممالک اور یورپی یونین اس کے ممبران میں شامل ہیں۔ ٹی آئی آر کنونشن فی الوقت دنیا میں سب سے وسیع تر کسٹمز ٹرانزٹ کی سہولتیں فراہم کرنے کا معاہدہ ہے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

وزیر اعظم کی منظوری کے باوجود پاکستان ٹی آئی آر کنونشن کے تجارتی فوائد اٹھانے میں ناکام

پاکستان

جسٹس فائز عیسیٰ آئین و جمہوریت کے عمل میں غیر متزلزل رہے، اٹارنی جنرل

پنجاب بلدیاتی انتخابات؛ مسلم لیگ ن کا 26اکتوبر کو تنظیمی اجلاس طلب

عافیہ صدیقی کیس میں حکومت وفد امریکا بھیجے گی، ایڈیشنل اٹارنی جنرل

چیف جسٹس فائز عیسیٰ نے اپنے ساتھی ججز میں تفریق پیدا کی، جسٹس منصور کا خط سامنے آگیا

ہم قانون اور کاغذ پر چلتے ہیں، سچ کیا ہے یہ اوپر والا جانتا ہے، چیف جسٹس کا الوداعی فل کورٹ سے خطاب

وزیر اعظم کی منظوری کے باوجود پاکستان ٹی آئی آر کنونشن کے تجارتی فوائد اٹھانے میں ناکام

ہمارے ساتھ شامل ہوں

مقبول خبریں

پاکستان

جسٹس فائز عیسیٰ آئین و جمہوریت کے عمل میں غیر متزلزل رہے، اٹارنی جنرل

پنجاب بلدیاتی انتخابات؛ مسلم لیگ ن کا 26اکتوبر کو تنظیمی اجلاس طلب

عافیہ صدیقی کیس میں حکومت وفد امریکا بھیجے گی، ایڈیشنل اٹارنی جنرل

چیف جسٹس فائز عیسیٰ نے اپنے ساتھی ججز میں تفریق پیدا کی، جسٹس منصور کا خط سامنے آگیا

ہم قانون اور کاغذ پر چلتے ہیں، سچ کیا ہے یہ اوپر والا جانتا ہے، چیف جسٹس کا الوداعی فل کورٹ سے خطاب