ہڑتالی ڈاکٹرز ڈیوٹی پر واپس آجائیں ورنہ ہمارا میٹر بھی گھوم سکتا ہے اسلم رئیسانی

شعبہ حادثات انسانی ہمدردی کی بنیاد پر کھلوایا گیا ہے اس لئے اب ڈاکٹروں کو چاہئے کہ وہ فوری ڈیوٹی پر آجائیں، وزیر اعلیٰ فوٹو: آن لائن

---

وزیراعلیٰ بلوچستان نواب محمد اسلم رئیسانی نے خبردار کیا ہے کہ ہڑتالی ڈاکٹر فوری طور پر ڈیوٹی پر واپس آجائیں ورنہ ہمارا میٹر بھی گھوم سکتا ہے۔

سول اسپتال کوئٹہ کے شعبہ حادثات کے دورے پر میڈیا سے بات چیت کرتے ہوئے وزیر اعلیٰ بلوچستان نے کہا کہ شعبہ حادثات کو انسانی ہمدردی کی بنیاد پر کھلوایا گیا ہے اس لئے اب ڈاکٹروں کو چاہئے کہ وہ فوری ڈیوٹی پر آجائیں ورنہ ہمارا میٹر بھی گھوم سکتا ہے۔

نواب اسلم رئیسانی نے کہا کہ ہم پاک فوج کے شکر گزار ہیں جو سی ایم ایچ میں عوام کوعلاج معالجے کی سہولیات فراہم کررہی ہے۔ انہوں نے کمبائنڈ ملٹری اسپتال(سی ایم ایچ) کا بھی دورہ اور مریضوں کی عیادت کی۔