بلاول بھٹو نے پیدا ہونے کے بعد رزق حلال کا ایک نوالہ نہیں کھایا رانا ثنا اللہ

کرپشن کاحساب حکومت کو نہیں نیب کو کرنا ہے، رانا ثنا اللہ فوٹو: فائل

---

وزیر قانون پنجاب رانا ثنا اللہ کہتے ہیں کہ بلاول بھٹو زرداری جب سے پیدا ہوئے ہیں انہوں نے رزق حلال کا ایک نوالہ نہیں کھایا اور شیخ رشید گھٹیا اور بد بخت انسان ہیں۔

فیصل آباد میں میڈیا سے بات کرتے ہوئے رانا ثنا اللہ نے کہا کہ کرپشن کاحساب حکومت کو نہیں نیب کو کرنا ہے، عمران خان کے دائیں بائیں موجود لوگ خود کرپشن میں ڈوبے ہوئے ہیں۔عمران خان کو ریحام یا جمائمہ کے ساتھ حلالہ کرکے زندگی آرام سے گزارنی چاہیے۔ شیخ رشید کو شرم نہیں، وہ ایک بدبخت اور گھٹیا سیاستدان ہیں، وہ ہر سال حکومت جانے کی پیش گوئی کرتے ہیں لیکن اب انہیں خاموش ہوجانا چاہیے۔ بلاول بھٹو زرداری اربوں روہے کی لوٹ مار سے بنائی گئی جائیداد کے وارث بنے بیٹھے ہیں، وہ جب سے پیدا ہوئے ہیں انہوں نے رزق حلال کا ایک نوالہ نہیں کھایا۔

رانا ثنا اللہ نے مزید کہا کہ حکومت کا ایجنڈا ملک کی ترقی کا ایجنڈا ہے، یہ لوگ چاہتے ہیں کہ دہشت گردی کا ملک سے خاتمہ نہ ہو لیکن شورشرابا کرنے والے کامیاب نہیں ہوسکیں گے اور پاکستان ترقی کی منازل طے کرتا رہے گا۔