رنبیر کپور اپنی آئندہ فلم کے لیے مارشل آرٹس سیکھیں گے

رنبیر کی تربیت کے لیے ایک خصوصی ٹرینر کی خدمات بھی حاصل کرلی گئی ہیں فوٹو: فائل

---

PESHAWAR: بالی ووڈ کے چاکلیٹی ہیرو رنبیر کپور اپنی آئندہ فلم کے لیے خصوصی طور پر مکسڈ مارشل آرٹس کی تربیت حاصل کریں گے۔

بھارتی میڈیا کے مطابق رنبیر کپور اپنے گہرے دوست ایان مکھرجی کی فلم میں سپر ہیرو کا کردار ادا کریں گے، فلم کا نام ''ڈریگن'' رکھا گیا ہے، فلم کی کہانی اور کردار کی مناسبت سے رنبیر کپور پر کئی ایکشن مناظر فلم بند کئے جائیں گے۔ جس کے لیے رنبیر کپور خصوصی طور پر مکس مارشل آرٹس کی تربیت حاصل کریں گے۔

رنبیر کپور کے قریبی ذرائع کا کہنا ہے کہ فلم میں ان کے کردار کی مناسبت سے تیاری کے لیے ایک خصوصی ٹرینر کی خدمات بھی حاصل کرلی گئی ہیں۔ فلم کی عکسبندی رواں برس ہی شروع ہوگی۔

واضح رہے کہ بالی ووڈ میں رواں برس سلمان خان اپنی فلم سلطان اور عامر خان نے دنگل کے لیے خصوصی طور پر اپنا وزن بڑھایا اور اپنے کردار کے حوالے سے تربیت بھی حاصل کی تھی۔