پوری قوم فوجی جوانوں کے شانہ بشانہ کھڑی ہے صدر ممنون حسین

صدر ممنون حسین کا کہنا ہے کہ پوری قوم پاک فوج کے جوانوں کے شانہ بشانہ کھڑی ہے۔

ایکسپریس نیوز کے مطابق مسلح افواج کے سربراہان نے ایوان صدر اسلام آباد میں صدر ممنون حسین سے ملاقات کی اور انہیں عید الفطر کی مبارک باد دی۔ صدر ممنون حسین نے کہا کہ پاک فوج کے محاذ پر موجود افسروں ، جوانوں کو بھی عید کی خوشیاں مبارک ہوں،پوری قوم پاک فوج کے جوانوں کے شانہ بشانہ کھڑی ہے۔


اس سے قبل عید الفطر کے موقع پر اپنے بیان میں صدر ممنون حسین نے کہا کہ عیدالفطر کی خوشیوں میں بد امنی کے شکار عوام، امن و امان کے لئے برسر پیکار قانون نافذ کرنے والے اداروں کے اہلکاروں اور بے گھر افراد کوبھی شریک کیا جائے۔ ہمیں عہد کرنا چاہئے کہ ہم کسی قسم کی منفی سرگرمی کا حصہ بننے کے بجائے ملک کی ترقی اور خوشحالی کے لئے کام کرتے رہیں گے۔