کراچی کے مختلف علاقوں میں رینجرز کی کارروائیاں 75 ملزمان گرفتار

کارروائیاں زبردستی فطرہ اور بھتہ وصول کرنے والوں کے خلاف کی گئیں، ترجمان رینجرز، فوٹو : فائل

---

رینجرز نے شہر کے مختلف علاقوں میں کارروائیوں کے دوران 75 ملزمان کو گرفتار کر کے ان کے قبضے سے بڑی تعداد میں اسلحہ اور فطرے کی پرچیاں بھی برآمد کر لیں۔

ترجمان سندھ رینجرز کے مطابق کراچی کے علاقوں گلستان جوہر، نیپا چورنگی، ڈالمیا، لانڈھی، قائدآباد، نارتھ کراچی اور لیاقت آباد میں خفیہ اطلاعات پر کارروائیوں کے دوران 75 ملزمان کو گرفتار کیا گیا جن کے قبضے سے بڑی تعداد میں اسلحہ اور فطرے کی پرچیاں بھی برآمد کرلی گئیں۔ ترجمان کا کہنا تھا کہ کارروائیاں زبردستی فطرہ اور بھتہ وصول کرنے والوں کے خلاف کی گئیں جب کہ گرفتار ملزمان کا تعلق کالعدم تنظیم سے ہے۔