ٹوئٹر پر بھی لوگ عبدالستار ایدھی کی صحت یابی کیلئے دعا گو

ٹوئٹرصارفین عبدالستار ایدھی کی صحت یابی کے لئے دعائیں مانگ رہے ہیں۔ فوٹو: فائل

---

سماجی رہنما عبدالستار ایدھی کو وینٹی لینٹر پر منتقل کئے جانے کے بعد ان کی صحت یابی کے لئے ٹوئٹر پربھی لوگ دعا گو ہیں۔

سماجی رہنما عبدالستار ایدھی کی حالت تشویشناک ہے جنہیں وینٹی لیٹر پر منتقل کیا جاچکا ہے جس کے بعد سے سماجی رابطے کی ویب سائٹ ٹوئٹر پر لوگوں کی جانب سے ان کی صحت کے لئے دعائیں کی جارہی ہیں جب کہ پاکستان میں چند گھنٹے کے دوران عبدالستار ایدھی کی صحت یابی کے لئے" ایدھی " ہیش ٹیگ ٹاپ ٹرینڈ بن گیا جہاں ٹوئٹر صارفین اپنے جذبات کا اظہار کر رہے ہیں۔

حاجرہ خواجہ اپنی ٹوئٹ میں لکھتی ہیں کہ اللہ تعالی عبدالستار ایدھی کو جلد صحت یابی عطا فرمائے، وہ پاکستان کا اثاثہ ہیں اور اگر ملک میں کوئی قابل قدر شخصیت ہیں تو وہ عبدالستار ایدھی ہیں۔

https://twitter.com/hajira_khawaja1/status/751452881333678080

رانا وقاص لکھتے ہیں کہ تمام افراد عبدالستار ایدھی کے لئے دعائیں کریں کیوں کہ ان کے بغیر پاکستان کا سوچنا مشکل ہے، عبدالستار ایدھی امیر ہونے کے باوجود غریب ہیں۔

Prayers for #Edhi sb. A #Pakistan without him is difficult to imagine. The richest poor man

— Rana Waqas (@RanaWaqax) July 8, 2016

ٹی وی اینکر صنم بلوچ لکھتی ہیں کہ عبدالستار ایدھی کے لئے دعائیں کی جائیں کیوں کہ وہ ہمارے لئے عظیم مثال ہیں جنہوں نے اپنے کردار سے ثابت کیا کہ انسان کے کام اس کے الفاظ سے زیادہ بولتے ہیں۔

#PrayForEdhi he is an inspiration, He showed us actions speak louder than words. #Edhi

— Sanam Balochians (@SanamBalochfans) June 27, 2016

ٹوئٹر پر ایک فرضی نام سے موجود صارف نے انتہائی دلچسپ تبصرہ کرتے ہوئے لکھا کہ انسانیت وینٹی لیٹر پر منتقل ہوچکی ہے۔

https://twitter.com/Arjumand0/status/751451081528541184

عتیقہ عمران لکھتی ہیں کہ اس زمانے میں کوئی بھی عبدالستار ایدھی جیسی سادگی اور سخاوت پر نہیں پہنچ سکتا، اللہ پاک ان پر ہمیشہ رحم فرمائے۔

There is no one reached the level of your simplicity and generosity in this era.. May you be blessed forever.. #Edhi pic.twitter.com/OyupzNA2py

— Aatika Imran (@atikaimran) July 8, 2016

صحافی ریاض سہیل نے عبدالستار ایدھی سے محبت کا اظہار ایک شعر کی شکل میں کیا جو لکھتے ہیں کہ : لوگوں نے معصوم زندگیاں کچرے میں پھینکیں، انہوں نے سینے سے لگایا ،، لوگوں نے سڑکوں پر تفریق کی بنیاد پر لاشیں گرائیں انہوں نے اپنا بنایا۔

#Edhi
لوگوں نے معصوم زندگیاں کچرے میں پھینکیں، انہوں نے سینے سے لگایا
لوگوں نے سڑکوں پر تفریق کی بنیاد پر لاشیں گرائیں انہوں نے اپنا بنایا

— Riaz Sohail Janjhi, ریاض سہیل रियाज़ सुहैल (@RiazSangi) July 8, 2016

ٹوئٹرپر "ایدھی" کے ہیش ٹیگ کا عکس: