ٹوئٹر پر بھی لوگ عبدالستار ایدھی کی صحت یابی کیلئے دعا گو

سماجی رہنما عبدالستار ایدھی کو وینٹی لینٹر پر منتقل کئے جانے کے بعد ان کی صحت یابی کے لئے ٹوئٹر پربھی لوگ دعا گو ہیں۔

حاجرہ خواجہ اپنی ٹوئٹ میں لکھتی ہیں کہ اللہ تعالی عبدالستار ایدھی کو جلد صحت یابی عطا فرمائے، وہ پاکستان کا اثاثہ ہیں اور اگر ملک میں کوئی قابل قدر شخصیت ہیں تو وہ عبدالستار ایدھی ہیں۔

رانا وقاص لکھتے ہیں کہ تمام افراد عبدالستار ایدھی کے لئے دعائیں کریں کیوں کہ ان کے بغیر پاکستان کا سوچنا مشکل ہے، عبدالستار ایدھی امیر ہونے کے باوجود غریب ہیں۔

ٹی وی اینکر صنم بلوچ لکھتی ہیں کہ عبدالستار ایدھی کے لئے دعائیں کی جائیں کیوں کہ وہ ہمارے لئے عظیم مثال ہیں جنہوں نے اپنے کردار سے ثابت کیا کہ انسان کے کام اس کے الفاظ سے زیادہ بولتے ہیں۔

ٹوئٹر پر ایک فرضی نام سے موجود صارف نے انتہائی دلچسپ تبصرہ کرتے ہوئے لکھا کہ انسانیت وینٹی لیٹر پر منتقل ہوچکی ہے۔

عتیقہ عمران لکھتی ہیں کہ اس زمانے میں کوئی بھی عبدالستار ایدھی جیسی سادگی اور سخاوت پر نہیں پہنچ سکتا، اللہ پاک ان پر ہمیشہ رحم فرمائے۔

صحافی ریاض سہیل نے عبدالستار ایدھی سے محبت کا اظہار ایک شعر کی شکل میں کیا جو لکھتے ہیں کہ : لوگوں نے معصوم زندگیاں کچرے میں پھینکیں، انہوں نے سینے سے لگایا ،، لوگوں نے سڑکوں پر تفریق کی بنیاد پر لاشیں گرائیں انہوں نے اپنا بنایا۔

ٹوئٹرپر "ایدھی" کے ہیش ٹیگ کا عکس: