2اغوا کاروں سمیت 6 ملزمان گرفتارمغوی بازیاب

رینجرز نے سرجانی ٹاؤن کے علاقے تیسر ٹاؤن میں چھاپہ مار کر2 اغوا کاروں کو گرفتار کر کے مغوی کو بازیاب کرا لیا. فوٹو: فائل

---

رینجرز نے تیسر ٹاؤن میں چھاپہ مار کر2 اغوا کاروں کوگرفتار کرکے مغوی کو بازیاب کرا لیا جبکہ دوسری کارروائی میں قانون نافذ کرنے والے ادارے نے نارتھ ناظم آباد سے قتل کی وارداتوں میں ملوث4 ملزمان کو حراست میں لے لیا۔

تفصیلات کے مطابق رینجرز نے سرجانی ٹاؤن کے علاقے تیسر ٹاؤن میں چھاپہ مار کر2 اغوا کاروں کو گرفتار کر کے مغوی کو بازیاب کرا لیا، رینجرز سندھ کے ترجمان میجر سبطین نے بتایا کہ ملزمان نے مغوی کے اہلخانہ سے5لاکھ روپے تاوان کا مطالبہ کیا تھا،اغوا کاروں اور مغوی کا نام صیغہ راز میں رکھا جا رہا ہے ، دوسری کارروائی میں رینجرز نے نارتھ ناظم آباد بلاک آئی میں چھاپہ مار کر قتل کی وارداتوں میں ملوث4 ملزمان وقاص ، صابر ، ہاشم اور حمید کو حراست میں لے لیا۔