شہر کے مختلف علاقوں میں ٹریفک حادثات 14 افراد زخمی

سہراب گوٹھ الا آصف اسکوائر کے قریب نامعلوم گاڑی کی ٹکر سے موٹر سائیکل سوار24 ولید ولد رحمت اور اس کا دوست28 سالہ خورشید زخمی ہو گئے. فوٹو: فائل

---

ٹریفک حادثات میں خواتین اور بھائیوں سمیت سمیت 14 افراد زخمی ہو گئے، تفصیلات کے مطابق بنارس پل پر نامعلوم گاڑی کی ٹکر سے موٹر سائیکل سوار30 سالہ محمد آفتاب زخمی ہو گیا ۔

ملیر کینٹ گیٹ نمبر2کے قریب ٹرک کی ٹکر سے40 سالہ فاطمہ زوجہ موسیٰ زخمی ہو گئی ، سہراب گوٹھ الا آصف اسکوائر کے قریب نامعلوم گاڑی کی ٹکر سے موٹر سائیکل سوار24 ولید ولد رحمت اور اس کا دوست28 سالہ خورشید زخمی ہو گئے، ناظم آباد 7 نمبر پل کے قریب نامعلوم گاڑی کی ٹکر سے35 سالہ ذیشان عباس ولد جہانگیر عباس زخمی ہو گیا ، ناظم آباد نمبر4 ارم بیکری کے قریب واٹر ٹینکر کی ٹکر سے چنگ چی رکشا میں سوار30 سالہ ذوہیب ولد جاوید اس کا بھائی 20 سالہ نجیب ، 30سالہ مقبول احمد ، 40سالہ محمد اسلم اور20سالہ حفیظ الرحمٰن زخمی ہو گئے ، زخمیوں کی طبی امداد کے لیے عباسی شہید اسپتال پہنچایا گیا جبکہ لانڈھی چراغ ہوٹل کے قریب نامعلوم گاڑی کی ٹکر سے16سالہ سائرہ ،8سالہ عباس ،27سالہ مسرت اور40سالہ اسرار زخمی ہو گئے۔