بالی ووڈ بھی مسیحائے ملت عبدالستار ایدھی کے انتقال پرسوگوار

عبدالستار ایدھی غیرمعمولی انسان تھے جن کے کارناموں نے کئی زندگیوں کو تبدیل کردیا ہے، بالی ووڈ اداکارہ شبانہ اعظمی، فوٹو:فائل۔

---

مسیحائے انسانیت عبدالستار ایدھی کے انتقال پر پاکستان سمیت بھارتی فلم نگری بھی سوگوار ہے۔

مسیحائے انسانیت عبدالستار ایدھی کے انتقال پر جہاں پاکستان غم میں ڈوبا ہوا ہے وہیں دنیا بھر میں ان کی جدائی کا سوگ منایاجارہا ہے جس میں بھارتی فلم نگری بھی مسیحائے انسانیت کے انتقال پر سوگوار ہے اور کئی نامور اداکاروں اور فلمسازوں نے سماجی رابطے کی ویب سائٹ ٹوئٹر پر ایدھی صاحب کےانتقال پر رنج وغم کا اظہار کرتے ہوئے انہیں خراج تحسین پیش کیا ہے۔

بالی ووڈ اداکارہ شبانہ اعظمی نے سماجی رابطے کی ویب سائٹ ٹوئٹر پر کہا کہ عبدالستار ایدھی غیرمعمولی انسان تھے جن کے کارناموں نے کئی زندگیوں کو تبدیل کردیا اور وہ واقعی میں تمام انسانوں میں حقیقی ہیرو تھے۔

Abdul Sattar Edhi was an extraordinary person.The work he did transformed the lives of the underpriveleged. A true hero amongst men. RIP

— Azmi Shabana (@AzmiShabana) July 9, 2016

بالی ووڈ اداکار انوپم کھیر کا کہنا تھا کہ عبدالستار ایدھی عالمی سطح پر ایثارو قربانی کی اہم مثال تھے جن کے انتقال پر دکھ ہے تاہم انسانیت انہیں ہمیشہ یاد کرے گی۔

#EdhiSahab was an International face of Kindness and Selflessness. Very sad to know about his demise. Humanity will miss him. #Pakistan

— Anupam Kher (@AnupamPKher) July 9, 2016

فلمساز مہیش بھٹ کا اپنی ٹوئٹ میں کہنا تھا کہ ایدھی صاحب کی غیر معمولی زندگی نئی نسلوں کے لیے ہمیشہ ہی مشعل راہ بنی رہے گی۔

The afterglow of his extraordinary life will continue inspire generations ! https://t.co/llAttncIgq

— Mahesh Bhatt (@MaheshNBhatt) July 9, 2016

گلوکارعدنان سمیع کا کہنا تھا کہ ولی صفت فقیر اور یتیموں کے باپ آج دنیا سے چلے گئے۔

Abdul Sattar #Edhi... Today's 'Saintly Fakir' & Greatest Father to Orphans passes on... Inna Lillahi wa inna ilaihi raji'un... #respect 🙏💙

— Adnan Sami (@AdnanSamiLive) July 9, 2016

واضح رہے کہ گزشتہ روز مسیحائے انسانیت عبدالستار ایدھی طویل علالت کے بعد انتقال کر گئے تھے۔