لاہور کے علاقے ساندہ میں فائرنگ سے 3 افراد شدید زخمی

شام نگر راج گڑھ میں واقع ہوٹل میں 3 افراد کھانا کھارہے تھے کہ اس دوران موٹرسائیكل سوار نامعلوم افراد نے فائرنگ كردی۔ فوٹو؛ فائل

---

ساندہ میں نامعلوم افراد کی فائرنگ سے 3 افراد شدید زخمی ہوگئے جنہیں فوری طبی امداد کے لیے اسپتال منتقل کردیا گیا۔

نمائندہ ایکسپریس کے مطابق لاہور کے علاقے ساندہ میں نامعلوم افراد كی فائرنگ سے 3 افراد زخمی ہوگئے، واقعہ کی اطلاع ملتے ہی پولیس كی بھاری نفری موقع پر پہنچ گئی اور زخمیوں كو طبی امداد كے لیے اسپتال منتقل کیا۔

پولیس کے مطابق شام نگر راج گڑھ میں واقع مقامی ہوٹل میں 3 افراد کھانا کھارہے تھے کہ اس دوران موٹرسائیكل سوار نامعلوم افراد نے فائرنگ شروع كردی جس سے 3 افراد شدید زخمی ہوگئے جن کی شناخت بابر اسلم اور فیصل کے نام سے ہوئی، تینوں زخمیوں فوری طبی امداد کے لیے اسپتال منتقل کیا گیا جہاں ان کی حالت تشویشناک بتائی جاتی ہے۔

پولیس کا کہنا ہے کہ واقعہ دیرینہ دشمن کا نتیجہ لگتا ہے تاہم واقعہ کا مقدمہ نامعلوم افراد کے خلاف درج کرکے تفتیش شروع کردی گئی ہے۔