میکسیکو میں فائرنگ کے 2 مختلف واقعات میں ایک ہی خاندان کے 11 افراد سمیت 14 افراد مارے گئے۔

غیر ملکی خبر رساں ادارے کے مطابق میکسیکو کے شہر پلاگ میں مسلح شخص نے گھر میں گھس کر اندھا دھند فائرنگ شروع کردی جس کے نتیجے میں ایک ہی خاندان کے 11 افراد مارے گئے جن میں 4 خواتین اور 5 لڑکیاں شامل ہیں جب کہ واقعے کے تقریباً ایک گھنٹے بعد میکسیکن ضلع ریولوشین میں ایک اور مسلح شخص کی گھر میں فائرنگ کے نتیجے میں 3 افراد مارے گئے جب کہ 4 زخمی ہوگئے۔

حکام کا کہنا ہے کہ ابتدائی تحقیقات کے مطابق فائرنگ کا واقعہ منشیات کے لیے کام کرنے والے 2 مخالف گروہوں کی لڑائی کا نتیجہ ہے جب کہ قاتلوں کی گرفتاری کے لیے پولیس چھاپے ماررہی ہے۔